FreelanceMe Summit’17 – Cairo

 بدأ الايفينت بكلمة مصطفي حمدي من مايكروسوفت FreelanceMe Lead عن المبادرة ودورها في تسهيل التواصل بين الـemployers والـFreelancers من خلال الموقع.

و هى مبادرة بدات فى فبراير 2015 و كان سببها ان احنا نشتغل الحاجة اللى احنا بنحبها.

و ان الناس مش لازم تشتغل شغل دائم و ازى ان الخريج لازم يستفيد بوقته من غير ما ينتظر الوظيفة.

أول Speaker معانا كان محمود منسي … وعرفنا ازاي ممكن تبدء في مجال الـHR لحد م توصل لأنك تكون Consultant في نفس المجال وانت Freelancer

و اتكلم على ان الناس ممكن تشتغل فى الوظيفة و ازى تعرف موهبته و ينميها و هنا دور الFreelance انى اكون سعيد و اعمل فلوس كمان.

و ادلنا مثال على لعبه الشطرنج و ازى انك ممكن تكون فى دور العسكرى او الحصان.

وازى ان العسكرى مهما اترقى هيفضل محتاج لحركة الحصان.

و ان انت كـ Freelance لازم تكون شركة بكل ادارتها و نعمل لنفسنا SWOT Analysis ونعرف مهارتنا و الفرص المتاحة و الحاجات اللى محتاجها و التهديدات .

و ان كل مهارة بنتعلمها هى حاجة مفيدة فى المستقبل. و انك علشان تكون Freelance مش بالضرورة تكون لوحدك انت ممكن تعمل علاقات مع الناس اللى فى نفس المجال و تتعاون معاهم علشان تكبروا مع بعض. و الخطوة اللى بعد كده Sharing Knowledge و انك تعمل محاضرات و Public Speaking فى مجالك و بكده تطور من نفسك. و من المهم انك تعرف انت بتشتغل ليه, و ازى ان اهدافك بتتغير كل فترة من عمرك.

و انك لازم تعمل Branding لنفسك .

و كان معانا حسام عاطف – انتيكا – Antikka Photography عرفنا منه ازاي بدء وطور من نفسه فى مجال التصوير وازاي بيقدر يصنع الفرص بنفسه كمصور حر.

وهو من الناس المشهورة فى مجاله و ازى بدأ انه اشتغل الشغلانة اللى مش بيحبها علشان بعد كده يشتغل الشغل اللى بيحبه. و ان الوظيفة ممكن تساعدك انك تمول الموهبه بتاعتك.

و انك ممكن تبدء بداية بسيطه و تجرب و تغلط لحد ما تتعلم.

و انك تتعب و تذاكر علشان شغلك يكون مميز.

و انك لازم تشتغل باخلاق المهنة و تكون صادق مع العميل.

مصطفي منير Novelist & copywriter بيشاركنا تجربته من خلال الكتابة الأدبية كـ freelancer وكيفيه التعامل مع دور النشر – الـemployers .

مصطفى كاتب روايات و اعلانات و كلمنا ان اى حد ممكن يشوف ده تناقد لكنه ليه وجهه نظر بدأت انه كان نفسه يكون دكتور لكنه دخل ادبى لرغبه الاسرة.

و انه بدء يشتغل وهو طالب فى الجامعة فى خدمة العملاء و بدأ مشوار الكتابه و قال انا ليه اعمل اللى الناس بتطلبه.

و كتب او روايه ليه و كانت عن الخوف. انى ليه اخاف اعمل حاجة و ليه اسمع للناس اللى بتسخر منى.

و بعدها ابتدى شغل كتابة الاعلانات و كانت نقلة و تحدى بالنسباله و انك لازم تسمع للنقض البناء و انك تكون ” قناص متشلش رشاش”.

ان انت عندك فرصه كتير جداً ان تكون عظيم. و انك لازم تكون المثل الاعلى لنفسك.

وان البقاء للمحتوى مش للشهرة.

و كان معانا عصام شاكر Creative Director بيشاركنا تجربته في مجال الـDigital Designing و الـBranding

عصام كلمنا عن الجرافك ديزين و ان كان بيحب الرسم و بدأ انه يجرب تعديل صوره الشخصية.

و انه حاول يقدم فى اكتر من مكان و يترفض لحد ما جت الفرص و بدأ يشتغل فى المجال ده و يطور من نفسه.

و اتكلم عن اهميه الـ Volunteering وده اللى اهله انه يدخل مايكروسوفت.

و انه يشتغل الشغل اللى بيحبه.

و ان يكون ليك براندنج يميزك عن غيرك. و ان يكون عندك Portfolio.

و اتكلم ان حياتك بتنقسم لاربع اقسام Mental, Social, Spiritual and Physical

Mental و هنا تبدأ تهتم بعقلك و بالقراءة و التعلم…

Social ان الناس هما انعكاس ليك علشان تقدر تعرف انت فين و تكون وسط ناس تساعدك.

Physical و هنا بتهتم بنفسك و صحتك علشان تقدر تكمل

Spiritual و بكده تجمعهم كلهم علشان تقدر تكون انسان ناجح.

بعد كده بدانا في الـ panel discussion مع ال employers و كان معانا شريف الدين و مصطفى المنشاوى للاجابه على اسالتنا.

و اتناقشنا في الـ conflict بين الـ employers و الـ freelancers و ايه المشاكل اللي بتواجه الـ employers مع الـ freelancers

يومنا انتهى أحلي نهاية مع Darwazeh Band

و فى النهايه كلهم اتفقوا على مجموعة من النقط :

– انك تشتغل الحاجة اللى انت بتحبها.

– انك ممكن تفضل فى الوظيفة و تشتغل Freelance.

– انك تعرف قدراتك و تبدأ تشتغل على نفسك و تتعلم من الانترنت.

– انك تبنى Branding لنفسك و يكون ليك الـ Protfolio الخاص بيك.

– انك كـ Freelancer لازم تكون عارف الـ Packages بتعتك و تكون Updated.

– انك تتطوع فى العمل الخيرى و تشارك المعلومات مع غيرك.

– تهتم الـ Social media و انك تكون موجود على مواقع الـ Freelance.

– انك تلتزم بالاتفاق مع العميل و تكون Committed.

بقلم: محمد البسيوني

29-04-2017