مينفعش تشتغلى مودل لو تخينه
ومينفعش تشتغلى مضيفه علشان نفس السبب
انما فى فى شركه كبيرة مثلا زى فودافون ولا موبينيل ولا اتصالات فا مش هينفع تشتغلى فيها وانتى لسه متخرجتيش..
انما بقا على السفر مش هينفع تسافرى الا معا جوزك والا الناس تاكل وش اهلك..
طيب ولو اتخرجت ومعايا شهادة؟
الانجليزى بتاعك يكون حلو دا غير تكونى واخدة ال ICDL وغير دا ودا خبره انك اشتغلتى فى كذا مكان قبل كدا 
نيجي بقا لحاجة تانيه لو حبيت اشتغل فى السوشيال ميديا؟؟؟
لازم تكونى تافهه على قدر تفاهتك على قدر ما تجمعى فولورز كتير على مقدار تفاهتك والله علشان كدا انا تافهه
طيب لو عندى فكره مشروع مثلا؟ اعمل ايه؟
تبعتلى كلمه حلم او دريم للرقم المرادف لبلدك والله معك بقا فى الضرايب والتصاريح والافشخانات والذى منه ؟
طيب ولو شايفه نفسي مذيعه ؟ انسي يا ماما اخرك راديو اونلاين لكن نجوم اف ام والحاجات اللى تحسي انى فى راديو وليكي ناس مش الاونلاين..
طيب انا قررت امثل ادخل معهد تمثيل؟
بغض النظر عن انى سمعت اسعار وهميه كدا للدراسه فى المعهد بس هتعرفى تنجحى فى الاختبار؟ وتجاملى دا وتكلمى دا وتمصلحى دا اشطا دوسي لو فاكره انها شطارة يبقا اقعدى فى بيتك اكرملك؟؟
اانا عديت بكل المراحل اللى فوق دى ومعتقدش انى لوحدى انا وبنات زى كتير اتصنفنا على حسب الشكل وقبضنا التمن على دا واتصنفنا حسب متخرجه جديدة يبقا تاخد فلوس كذا حتى لو عندك 20 سنه خبره وانتى بتدرسي..
علشان انتي بنت، ينفع
بقلم وتصوير: ياسمين كفافي