إزاي تبقى أنت ال ADDED VALUE لأي شركة وتتعين فوراً!!

────────────

1 } الوعي الذاتي SELF AWARENESS

────────────

أنت مين ورايح فين وليه. من تعريفات الوعي الذاتي الكتيرة لازم تبقى على وعي وإدراك كامل ب 3 مجموعات رئيسية عن نفسك وتحددهم كويس عندك وكلهم لازم يبقوا متناسقين مع الوظيفة والشركة للي مقدم عليها وإلا الفرصة هتروح منك.

1 – مهاراتك ومواهبك Skills & talents . وهما قوتك الداخلية والخارجية

2 – احتياجاتك ورغباتك needs & desire . الحاجات اللي ناقصاك والحاجات اللي عايزها

3 – نمطك الشخصي وقيمك personal style & values . الحاجات اللي بدور عليها في الشركة وإسلوب تعاملك عامة

وفي مجموعات تانية بس دول الأهم مؤقتاً .

───────────

2 } الوعي العام GENERAL AWARENESS

────────────

لازم تدرس الشركة اللي مقدم عليها كويس من حيث “حجمها” في السوق، مين “منفاسينها ومين شركاءها”، نوع “الخدمات” اللي بتقدمه و”سمعتها” مع عملاءها، “رأس مال” الشركة و”بيئة العمل” الداخلية ومدى “رضاء” موظفين الشركة جواها.. وأي تفاصيل تقع تحت إيدك حطها في الحساب بالإضافة أكيد إنك تعرف ( الرسالة – الرؤية – القيم الرئيسية ) للشركة اللي مقدم عليها.

ومتنساش تدرس “المنافسين” كويس وتحللهم وهتعرف ليه بعدين.

────────────

3 } التوصيف الوظيفي JOB DESCRIPTION

────────────

إقرأ بالتفصيل الممل وحلل كل حاجة مكتوبة في إعلان الوظيفة، طلع منه العناصر الآتية وإكتبها في ورق شاملة.

بنسبة للوظيفة

── ── ─

1 – الهدف الرئيسي من الوظيفة target

2 – التحديات والمشاكل المحتملة Problem solving/ challenges

3 – المهام والمسئوليات Tasks & responsibilities

5 – خطوات العمل Process

6 – الأدوات المستخدمة Equipment’s / material used

7 – بيئة العمل Job environment & culture

بنسبة للشخص

── ── ─

1 – المؤهلات المطلوبة والقدرات Required qualifications

2 – المهارات Skills

3 – المعرفة Knowledge

4 – الخبرة Experience

5 – الصفات والسمات الشخصية Personal traits & Personality

────────────

4 } البحث والتحليل SEARCH AND ANALAYSIS

────────────

إبدأ دور في (مواقع التوظيف) و (LINKEDIN) عن حاجتين:

1 – نفس “الوظيفة” اللي انت مقدم عليها بس في أماكن تانية

2 – نفس “الاشخاص” اللي بيشتغلوا نفس الوظيفة اللي عايز تشتغلها في الشركة

وإبدأ شوف الناس دي بتعمل إيه (زيادة) مش موجود في التوصيف الوظيفي للشركة اللي مقدم عليها. أكتب كل الزيادات سواء حاجات متعلقة (بالموظف نفسه) أو (الوظيفة نفسها)، ومتنساش برضو ترجع للداتا اللي جمعتها عن “الشركات المنافسة” وتكتب برضو الزيادة اللي بيعملوه.

────────────

5 } التعليم والتطوير LEARNING & SELF DEVELOPMENT

────────────

شوف الحاجات (الزيادة) اللي لقتها في الخطوة اللي فاتت من خلال بحثك وتحليلك، وإبدأ خط لنفسك خطة إنك (تتعلم) الحاجات دي علم كامل وفي أسرع وقت ممكن. وإبدأ (طور من قدراتك) بحيث إنك تبقى جدير “بممارسة وتطبيق” اللي إتعلمته، فتبقى جاهز بالعلم والتطبيق.

───────────

6 } خلق إحتياج NEEDS CREATION

────────────

وأنت داخل الإنترفيو لازم تخلق (إحتياج) عند الشركة للحاجات الجديدة اللي نميت نفسك فيها. لو دخلت على الشركة وقولتلهم والله أنا إتعلمت واحد اتنين تلاتة.. الموضوع هيبقى زي قلته لأن ببساطة (هما مش عارفين أهمية الحاجات دي وإلا كانوا نموها من نفسهم).

فأنت دورك تقنعهم وتوعيهم بأد إيه الحاجات دي هتفرق مع الشركة سواءً من حيث “الآداء أو الأرباح أو السمعة أو التطوير أو سد ثغرات وغيره”.. بكدة أنت خلقت شىء من عدم. وجدت إحتياج مكنش له وجود ومش بعيد لو إتقبلت تمسك أنت القسم الجديد للحاجة اللي دخلت الشركة بيها لأنك اللي وجدته.

───────────

7 } الإستمرارية SUSTAINABILITY

────────────

عشان تضمن استمراريتك في الشركة لازم تحافظ على الحاجات اللي دخلت بيها، والاستمرارية مش هتيجي إلا لو “طوعت” الحاجات دي وخلتها متماشية جداً مع (رسالة ورؤية وقيم الشركة Mission . vision . core values) فتضمن إنها هتطور والشركة هتهتم بيها وبالتالي هتهم بيك كشخص لأنك الأساس وصاحب الفضل

لو عملت الخطوات دي هتبقى جوكر حقيقي

قادر يخلق للشركة حالة طوايء  لتعيينه فوراً وبأقصى سرعة

▬▬▬▬▬▬▬▬▬

كتابة: أحمد مصطفى المحلاوي